领养Adoption

可能港剧影响（完全无针对港剧意思），我曾经幻想自己生唔到子女，系咪觉得好搞笑叻，婚都未结就淋到个度去。我个人幻想空间好大，我幻想都领养子女，自己恒心，老公感受，家人排斥，外人眼光，朋友流言蜚语等等等等。我仲会幻想，第时个BB大咗会唔会好似D港剧咁，发现自己亲生父母之类既剧情，然后相认，或者抖缠不清，又或者一走了之，又或者变坏。其实哩D算系幻想定担心？我早以搞唔清。

今早本来读紧同事blog，唔小心按到，就无端端行入一个陌生女人blog度，系佢blog封面见到一张全家福，作者（妈妈），一个军人老公，一个好似初级军人既大仔，两个较年轻既仔，仲有个唐人小路女，年纪睇落应该5-6岁。就系哩张相吸引咗我去读哩个妈妈个blog。



追踪佢以前个blog，发现原来佢系中国领养咗个BB女翻美国样。个BB女下额嘴唇向上扬，读咗半个blog D posts，原来个BB女先天性有病。但係哩个军人家庭并无介意，觉得领养个有缺陷美既小天使系主赐俾佢地既一份礼物，佢地尽量俾个小天使快乐，俾佢家的感觉，就连D哥哥们都好疼爱个哩小天使。毕竟领养一个需要好多钱做手术，而且有缺陷美的小天使，唔系个个都可以做到（依家D凡人都系外表第一，有几个真系睇心？）。我在此向个家人致万二分salute！

无意中由佢个blog发现到原来好多美国家庭都有领养，虽然佢地已经有小朋友，但係都会去领养其他国家小朋友，而且自己亲生仔女都系好疼爱被领养既小天使们。咦，原来世界各地都有咁多家庭领养儿童，原来我以前所担心既根本系多余。如果有心想领养，有心去疼爱一个同你完全无血缘关系既在乎你自己点去睇，而唔系身边人点睇。

我好希望有自己家庭同空间，希望我有更好既经济能力去抚养佢地。世界有太多小天使需要我地既爱，我地既关怀。读紧我blog既善丈人翁，如果你地都好似我咁想助养或领养，如果经济范围可以支撑，咁就唔好犹豫啦，想知道多D，可以去网上搵，好多管道都可以帮助你助养或领养儿童，不过小心唔好俾人骗钱，毕竟好多贱人利用凡人的善心而骗取佢地D钱财。：）

呐，Malaysia领养咨询。



列子：已领养儿童，依家一家人开开心心。（位于美国，我其实都想领养个鬼佬BB，大个咗一定好得意）



我知，有口话人无口话自己。我都好想领养翻个小天使。不过依家都系寄人篱下，以后嫁咗都会系，无自己地头，点出声？

希望，梦想会成真。Amen。