Wednesday, October 31, 2012

徐金栋健身社.铁打 Chee Kim Thong Pugilistic and Health Society

早两星期前睇咗铁打师傅腰骨本来好翻D,本应再去睇第二次,但係因为丧事一个礼拜都无时间去。星期一夜晚无拉拉又扭到,可以称之为九级痛楚(因为人地话生仔先係十级)。行唔得,坐唔得,训唔得,企唔得,就连我轻轻咁上床训都係问题,痛到我係几乎每一寸欲动都可以拿我命咁,眼泪不停咁落。本身好挨痛既我都几乎支撑唔住啦。

星期二,老牛带我去睇多次医生,希望睇得好,唔晒睇西医(西医动不动就叫你开刀)。我仲唔想咁早死,我想享受多两年人间烟火。

全程老牛都渣得好慢,佢可能惊我痛,讲真,就连架车转弯,我身体轻微转动我都会痛到流泪。

终于到咗,其实唔难搵而且佢好出名,我身边D朋友几乎都有帮亲过佢。证明佢唔係浪得虚名。




"名片",记载号码地址。


地方好容易搵到,old klang road,如果你由巴生来,经过mid valley条桥,跟住keep左边条路转入去,路牌会写住"old klang road/puchong"。转咗就keep住行入来,直行大概2分钟,就会见到排店,corner係michellin tyre铺,跟住弯入去(注:弯入去条路,左边係tyre铺,右边係油站)。


跟住沿路直行到见到路牌,


弯左入豪宅处,直行唔够10秒在急转左,就会见到条路仔,门牌9号。


呐,大门口。

呐,我个背部,可怜到我训都唔可以训,要趴住训。


老牛手十日前无端端麻痹,我地怕係血管阻塞。一去到,佢一睇就话係血浓,根本唔晒验血,係咪好犀利?老牛只手包到成只棕咁哈哈。




医师两公婆都有帮人铁打,但係因为我係女仔所以我选择俾佢老婆睇,而且听讲佢老婆手势好D。

今日星期三,我拿咗半日假,打算再做第二次treatment。本来book咗两点钟,三条魔鬼同事一味逼我留底食埋午餐先走,因为佢地想话redeem我地既free非洲鱼,但係店主话今日係free奶油虾。


你地话係咪魔鬼?


由于班魔鬼知道我要戒口,所以限定我省係可以食一只,无错係一只。最毒妇人心!!!虽然我知道佢地係为我好,但係大佬,唔可以食海鲜你不如杀死我。


Prohibited foods,

呐,今日treatment后look。医师话其实我有旧伤,唔为意所以就算少少扭伤都会将成个患处connect起来。你话大唔大货?


睇来要挨多3个treatment先会好

Friday, October 26, 2012

走了。

婆婆今日走咗。

婆婆终于好安详地走咗,去睇婆婆个时我一如往常咁fili-fele喊,寻日我先摸住婆婆额头,今日佢就训係入边啦。

好多未来得切做既事突然变得唔再重要,时间好像停留着。我好想婆婆饮我哩杯孙媳妇茶,好想跟老牛一样咁叫佢嬷嬷,但係原来每件事都不能尽人意。生命係由神来主宰,我地既然控制唔到个timing,咁我地就要把握机会。

去咗成日,有D累。讯先。

Wednesday, October 24, 2012

阴天 Gloomy

老牛婆婆係个好慈祥,好友善既婆婆。仲记得我第一次去佢婆婆屋企,唔係,应该係每一次去佢婆婆屋企时,都会好担心好焦虑,因为我根本就唔识得老牛D家族方言-兴化话。但係每次婆婆都用好留利既普通话来同我讲话,每次都会确保我有食到野,有野饮,唔会闷。我真係好中意佢。

早係几个月前,其实可能係更早而我唔知,毕竟我好少过问老牛D家事或私事。经过一次无意间谈话我先知道婆婆病咗,而且係癌症。当我知道情况个时好似话已经扩散全身。係我记忆中婆婆係肥肥地,好有福相,成日笑口嘻嘻,四代都同堂既好命婆,但係每一次见佢,经过化疗,佢越来越瘦,越见越心痛。

训晚,就要半夜个时无端端老牛line我话婆婆好弱,但係因为太夜我做唔到么野。係床上等下等,等到糊思乱想时就流马尿,流下流下就训着,再砸醒个时就天光啦。隔咗几个钟终于有勇气问老牛,佢一话"ok",我开心到形容唔到。原来,真心关心既亲情,根本唔字眼可以形容。

今日,放咗工就赶翻屋企换衫meet老牛,就去睇一睇婆婆。好多人围住间屋,围住佢,关心佢,呵护佢。我睇到佢个时佢依然认得我,好有力咁同我讲两句。我唔係直系亲属,D野根本轮唔到我做,我惟有企住留意婆婆面色。好苍白,真係好苍白,瘦到係以前既一半size。我再静静地坐住睇婆婆,我觉得佢好辛苦,每一口气都係挣扎翻来既,坐咗半粒钟度,我就闪咗出大厅,我知眼浅。

翻到屋企,大概半夜12多,老牛line我,讲婆婆又入医院,医生话婆婆剩係可以挨多一两日。我唔知点样回答老牛,无语係用来形容我当时心情。大家哩个时候都应该係陆陆续续准备?定係都陪係身边?

其实婆婆早D上天堂係好事,最起码佢有开心过,唔晒再係尘世间受苦,启程时子女儿孙都係身边陪伴。

人生,可以画上完美句号,係最幸福不过。

Sunday, October 21, 2012

Bear试婚纱记2+小恩记!Bear Gown Test II & En En Day!

今日係bear佢试正日婚纱,我身为形象顾问(虽然我无么形象)更係要帮佢拣番几件。但係今日早上起身已经觉得唔对路,成身骨头痛到我无力,就连手指骨都痛,呐我写紧blog哩一刻都係痛紧。

起身唔係好想去咗,但係答应过就要去。无边,挨住来喳车,本来都无力咗又无端端落大水,大到好难睇到前方既路。

到咗婚纱铺就开始帮Bear拣婚纱咯,




唔舒服-ing.


大概两个半钟度,我见无么需要到我,我就翻先啦。点知同事J同S死猛whatsapp我,撩我过去J屋企同BB玩。本来我唔想去,想翻屋企休息,但係最终抵唔过可爱BB诱惑,就飞咗过去睇。
小恩恩与我~


小恩恩好得意,好似男孩儿,但係我觉得无所谓,仲细啊嘛~大个咗打扮下变番靓女就得啦~不过佢妈妈话佢依家已经係着6个月训觉衫!!!係咪好肥啊~得意到~!


你睇佢,2个几月但係可以放住来坐!係咪好劲!哈哈,睇到佢突然间觉得唔痛,所以人地话,小朋友係大人既解药。


哈哈,好难得佢先同我笑!可能我真係唔识同小朋友沟通,逗咗佢好耐佢先同我笑翻下!真係好难得啊!



其实同BB玩时都要睇下妈妈面色先,唔係个个都无所谓俾你搞。有D就好矜贵,有D就好随和,好似我同事J咁,就算我唔係好识抱佢都敢丢俾我,起初反而係我自己担心抱唔对路,啊原来佢话,我地係大人,唔係细路仔,我地会俾任何人更小心。mmm,突然觉得佢讲到好似好有道理咁。哈!

唔理!总之有机会就要去搵小恩恩,因为细路仔好快长大,一下就会唔记得我啦~不过下次一定会带老牛,佢俾我仲中意BB,成日听到我话去搵小恩恩都会抱怨我唔带佢~哈!

自制戒指盒DIY Ring Box

购物一族,你地行街时成日都会见到D好讨人欢心既戒指,无论要戴无戴或会唔会戴,又或者会一世人都唔会戴超过1次,又再或者买爽等等等等,你地都唔理246都会俾钱拿货松人。但係买番屋企后,一摆入dresser度係咪又有仲后悔感一味係度侵袭你?多得你双手+迷惘的感情用事+少少孤寒唔舍得丢D无用野,而将dresser塞满晒。

好,对中意买野但係又有番少少人性既DIY族,可能以下既guide会帮到你。如果帮唔到,我都係个句--丢9咗佢啦!

早前係pinterest度睇到个类似既DIY guide,觉得好有用,可以满足我哩D人,所以今晚晚饭后,我去咗Daiso买一块黑布。


呐,过程只得15分钟我就做完一个RingBox。开始!

首先,去Daiso或任何Stationery店买哩仲黑布。


再搵个空盒预备做你既Ringbox,跟住自己镀係睇点来放。我觉得打横方便D。(注:我用咗iPad盒来做,因为摆係度又阻位,丢咗又浪费。所以我等到时机成熟-既係依家先来用。)


跟住,开始剪开布,因为D布好贵,少少布就要MYR5,所以孤寒既我就拿咗棉花来塞入边。(注:其实棉花都唔平,不过我早前做DIY有剩,你地可以考虑用布碎或其他野来代替,尽量唔好用钱,咁先可以达到DIY真正目的)


好,剪好就碌成条状,然后塞入盒内。


哦,顺便一提,如果你圈唔够实会松开哦。所以我就再用大头针来secure住,以防万一。


有多既布碎就当以后要抹D戒指既。


咁就好啦,tada~



Friday, October 19, 2012

Wucha @ Kota Damansara

哈,继续上星期六故仔。话说我地食完西班牙餐,我地就去咗最近既Kota Damansara度打翻个转(shopping)。

行咗一阵好累好口渴,就决定落脚係"武茶"Wucha。可能因为我朋友都开咗一间係Masjid Jamek度,所以我特别想去试下哩度D人调配既手势。

我地唔係第一次去咗,所以之前有record係度,佢地有张卡俾你,每饮满指定数量就free番杯,如果你怕麻烦唔想将荷包俾哩D咁样既卡塞满,你可以摆係佢地度。

我地张卡。


入边好大间下,睇下老牛大老细样。


佢地仲提供各式各样既board game,方便你地一边饮茶一边倾讥,方便一班朋友聚旧。


哈哈,无意中俾我发现有得打拳。


仲有几个搞笑眼镜俾你地戴来玩。


好,搞乱走人~

Wednesday, October 17, 2012

Spanish Luncheon @ La Gomera

早前又係living social度睇到正野,西班牙菜式。一个人原价MYR70,对折一半好平啊,本来买咗两张飞,但係我同老牛淋下淋下,得我地两个好闷啧,结果我就买多两张淋住话约好友E同W,因为每次都约好友G同D出,太耐无搵EW,但係佢地就忙到根本无时间俾我地,算,我地决定搵翻G同学。讲咗咁耐ABC,你究竟明唔明?

入正题。我地约咗一日,到咗该地方就泊车搵餐厅,地方位于Neo Damansara,由于我有来哩度咗spa所以我地好容易就来到哩带。虽然话地方容易搵,但係原来间餐厅係出边係睇唔到,要泊咗车,行入栋楼。
到咗出边(好睬个看更同我地同水,如果唔係真係搵唔到)。


终于到咗,你可以拣係室外食。



啊,仲未开门。




一开门个个涌入去霸位。




室内设计。


好,食物介绍!(拿定手帕啦唔该)
Creamy Pumpkin Soup
Supa De Calabaza


Macaroni with Cheese Sauce


Lasagne Beef (Pasta Skin Layered with Minced Beef and Bechamel)
Lasana De Carne De Vacuno


Sauteed Sausage


Paella Valencia


Baked Chicken
Osobusco Style


Spanish Beef Tripe
Cauos


Fresh Mushroom with Garlic and Chili
Champinones En Salsa


Mix Vegetable Baked with Cream Cheese Sauce
Verduras Con Bechamel


Octopus Stew


Spanish Beef Stew
Estofado De Ternera


Spanish Lamb Stew
Estofado De Cordero


Pasta La Gomera

Pan Baked Onion and Potato with Egg
Tortilla Espanola


Salad Bar!


等我地拿咗第一轮,先发觉原来内有乾坤!好野在后头!D烧烤肉类海鲜全在厨房度。差D俾佢骗咗!

厨房look




Pizza Margarita


Pizza Tropical


Pizza Beef Pepperoni


Pizza La Gomera


Grilled Chicken Sausage


Grilled Salmon with Butter Lemon Sauce


Grilled Lamb with Spice (Lamb Shank)


Sauce for grilled meat

(Grilled Chicken, Grilled Prawns, Grilled Calamari.... Sorry too busy eating forgotten for the pictures! :P)

食完野更係唔少得影翻D靓相啦~
Me~


Junior~


Me and Gladys~


Junior and Me~


Gladys and Declan~

Declan and Junior~