应否开心？Should I Happy？

已经半夜1点，3分钟前先同老牛LINE完，倾咗好多野，倾咗成半粒钟。相信係我地一个礼拜既quota。

从佢谈话中觉得佢开始变，好似受咗我影响咁，佢每一句说话都係好讽刺，好恼，每一句都係维护紧我。我觉得好窝心，好耐无觉得咁受保护咁安全啦。

是好定坏？我已经唔识得分。剩係知道以前都係我一味投诉，一味恼同骂。依家佢好似同我一齐恼一齐骂。我唔知应唔应该开心，我唔想佢受我影响。但係有时真係好委屈，委屈到就算我将D野写係第XY236789格既Book of Secret发泄都唔可以得到平衡。委屈到每一次既唔开心要暂时收係Draft Box度，等到入黑上床训个时先可以转去Inbox度来喊，或，委屈到同老牛LINE投诉时都会偷偷落泪。就咁，我每一次都係泪中训着。我唔敢同老牛讲，我知道同佢讲会有两个结论。一，讲我多余。二，为我难过。以前佢总会比较选择一，偶然性会选择二。但係我feel到依家既佢，极大多数都係二号度打转。

经过2分钟思考，我有咗结论。
第一，係我影响咗佢（我有咁大影响力？）。
第二，佢开始认同我所讲既野，觉得我真係好委屈。
第三，佢为咗可以早训而打发我（唔排除哩个可能性）。
第四，佢心痛我（咪玩啦）。
第五，佢挣恨某某人而乱下定论（不过机会好微）。

无论点都好，起码今晚流既泪有价值。虽然佢无睇我blog，或者有睇但唔明我写么，我都要讲声，多谢。多谢你既包涵同明白。

今早的天空，好像知道我今晚既心情而特地画到咁靓来cheer我。