唔知点解由寻晚开始，Facebook就一直係度死味咁传关于希腊雷神既笑话，由于希腊雷神英文係THOR，所以D愚蠢人类就一味咁帮佢改新名，么么拍THOR，THOR衰家，好栏七THOR，THOR-long lah，THOR得佢地唔少，vic-THOR-ia's Secret..... 头头听个阵都觉得几好笑，不过后来听多就会嫌烦。
猫姐我本身係原係佛教徒，我父母好虔诚于佛教，而老牛都一样。当我慢慢长大后，发觉原来自己偏向基督，虽然我平时都会烧香拜佛，但係当遇到困难时又无办法平静我都会参考下bible，而发现原来当我好心烦气糟时，读一读bible竟然可以另我平静落来。仲记得细细个拉住大哥个衫尾，同佢两个走到去旧屋附近既教堂度玩，尤其圣诞，我地一定去个度，无特别意识但係我地就会好自然咁就会去到个间教堂度。好多人都话，“哦喂你唔可以咁一脚踏两船，佛教就佛教，基督就基督，如果唔係死左唔知可以去边。”但係神佛拥有大无量精神同力量，有么理由会任由你四周飘？可能我基根未熟，又可能两边家庭会极力反对，其实我根本都唔可以决定我自己既宗教。我中意基督係因为佢地好简单，就单单因为个“信”。你相信神，神就会默默咁帮你，支持你。
查实，我觉得神佛D野係真既，佢地的确係存在既，只不过我地凡人肉眼睇唔到咁话啧。其实讲到尾，哩D都係信仰，信则有，唔信则无。纯粹我个人意见同认为咯，其实无论如何如么教都好，最紧要就係无可以做坏事，无可以做D伤天害理既野，咁就于心无愧。
讲翻今日话题，话说THOR係希腊神话里既雷神，佢掌管雷电，拥有无限正义力量，就正如我地唐人既雷神咁。所以话，依家D人真係好无知识同思想。试想下，如果西方国家D鬼佬都好似我地咁来唱，咁来侮辱同践踏我地神佛，你地又会点叻？如果我地唔中意人地咁来唱，我地都唔可以咁做係咪先？所以话，千其唔好同D无知人类一般咁来转同玩D神佛名，有时候适可而直就好啦。
以上全部都係纯属个人意见，中意你可以听，唔中意对唔住你读完后唔该睇睇我个人简历度写个行字。
人，总要信。
No comments:
Post a Comment