猫姐係前晚大约7点零就去到医院等候，等待新成员，等到大约9点半医生就话要由自然产转去开刀因为BB女顽皮唔出来。
个刻我心情突然紧张，早前有睇到Jenny Mummy某篇Blog係讲述佢二嫂经历紧同样痛楚，跟住佢仲喊包咁既样（担心嘛）。此刻我发现原来我心情同佢差唔多，都係咁紧张。虽然话唔係我亲生啊姐，但係因为佢可以算係自己人（虽然我未嫁），而且仲係位妈妈又待产中，我心就无端端紧张起来。但係同场既其他屋企人感觉好似好自然，我突然觉得我紧张得好多余（虽然我好期待见到BB），就咁被逼收下自己紧张个衰样。偷偷係待产门口影底相做纪念，唔知我以后生BB个时会唔会有人咁样係出边等我。：D
等待中...
第二日，星期四，我有做工所以老牛自己去先，等都唔等我！仲send埋相俾我睇，真係好贱！BB个可爱笑容搞到我想即刻飞扑过去。话係咁讲，但係一见到BB我就唔敢抱，我好惊我会整亲佢啊~都係等佢几个月大后先至抱佢啦~
Ah Nior & BB. She is smiling! :D
Ah Nior & BB
No comments:
Post a Comment