由于BB骨骼大，医生就建议开刀生。由于开刀出世所以可以拣日前出世。早前个Mummy同我地讲定咗係7月28号，所以唔单係佢紧张期待，就连我哩个外人都好紧张。仲记得两三个礼拜前个Mummy仲俾我摸佢个肚，叫我哩个八婆feel下个BB係佢肚打功夫。我两手一放，小布丁就係咁耍功夫，哦原来佢係峨嵋派传人！其实有少少兴奋咁，原来生命好奥妙，一条小生命就係里边倒数紧同你见面。所以话，妈妈最伟大。
哦，仲记得位Mummy未去生仔前我地哩班八婆同事都会无时无刻咁同佢同埋BB讲野。前几日另外一位同事都想感受下小布丁，但係佢对手放咗係mummy个肚好耐但係小布丁好似午睡紧，无么动静。哈哈哈，唔係挑拨离间但係有少少兴奋感因为小布丁剩係睬我（自我陶醉紧）。
今日终于都到啦~等咗一日，刚刚Mummy send咗张相俾我，讲真咯，我真係好开心咯。起码Mummy係记得有我既存在，仲记得我千叮万嘱佢一定一定要俾我睇下小布丁啊！我猫姐出名中意豆记，唔知个mummy会唔会唔中意我对佢女女太热情？:P
好啦，虽然无佢既permission，虽然佢未放上blog就俾我哩个八婆放先，希望佢唔好恼我啦~
No comments:
Post a Comment