小布丁 little buding

同事一个几月前生咗个BB女，早排我都有係blog度提到。刚出世时睇，自己仲一度怀疑自己唔係咁中意BB，可能因为BB刚出世，仲係细细只红勃勃，所以无个仲冲动想生翻个来玩。就咁，上个星期五哩班嗓既同事係KTV帮我庆祝生日，去之前我地就决定去哩位妈咪屋企蒲一阵（其实係大家都好挂住布丁）。

一去到睇到布丁训係个摇篮度，哇！肥肥白白，好好好得意啊！！！第一个淋头就係＂我要抱！＂係我淋多2秒过后，都係算啦。因为自己唔係好识抱，又怕妈咪唔中意，你知啦，依家好多家长都唔係好中意人地乱掂佢地宝贝啊嘛。但係当我好busy咁影咗一两张相，哩个妈咪就撑她起来逼我抱！（讲真咯，我其实真係好想抱，但係又唔敢抱）突然觉得好开心，因为个人妈咪其实好信任我，好啦我就尝试下抱，其实都唔係好难抱，最重要係要小心BB个头，因为头骨仲软。

哇布丁係我既手度静静唔敢动，奇怪佢妈咪仲成日话佢好烂哭？哈！应该係我胸前伟大，布丁feel到我既爱？又或者，我原来抱到啊B好舒服？点知原来佢俾我吓到，唔敢乱动啦~哈哈哈！不过我起码比起第一次抱佢更有姿势咯~哇佢静静个样好撩人咯，真係想一担咬落去！

抱下抱下无端端佢好似好唔耐烦，就要喊，我就快D丢俾佢妈咪啦，原来布丁要放屁=.=！

哩几日忙住吃喝玩乐庆祝生日，无时间睇哩位同事blog，今日终于有时间睇。哇真係好讨厌咯，佢放布丁D得意相，搞到我无心工作哈哈哈！原来屋企有个BB係咁得意咔~ 如果我有个BB女，我一定会买好多好多衫俾佢，训练佢做我shopping接班人！哇哈哈哈哈！（好采老牛唔识睇唐文，如果唔係我会死得好残）

训日生日布丁都有wish我啊！啊啊啊！好肉紧啊！！！连老妈子同bear bear hong都话要偷佢翻屋企啊！


今日同大家share下布丁个得意撩人样，係咪想搂佢叻？？
ps：希望妈咪唔介意我偷相。