Craft Brews @ KLK Damansara

上个礼拜老牛好友约咗我地去试下间位于Damansara KLK building（大概係curve附近）度食晚餐顺便试下佢地自己既酒。大概7：45pm一到步，发觉附近好空旷，车同人影都唔多只，仲以为佢收挡咗添。行入去，发觉我地搵既个间酒吧就係前面，行咗入去发现佢地连名都换埋，感觉入咗黑店。




D餐牌好复古，好得意


第一道，菜汤？带住好重既希望而饮第一羹，哇！大佬，靠害啊？！咸到我顶唔顺啊~结果我叫咗个waiter来同佢讲D汤唔掂，其实我係出自好心，如果个个客人都唔俾评语，咁佢地好难进步啊，但係老牛朋友好似俾我个举动吓到。



好啦，等多一阵正餐终于都来。我同其中一个朋友都係嗌Pork Burger。味道ok咯。


老牛嗌咗Honey-Mustard Ribs，都唔错，早知嗌哩个。




最尾一个朋友叫Tex-Mex Ribs。我无试到，不过好似好好味咁。
好啦，饮品介绍，个位好友条女唔饮酒，所以佢嗌普通果汁Joey Bedazzle。我就硬係嗌chocolate Stout，听个名好架式，但係饮落好怪。唔中意！老牛都係劈酒Hazzlenut Brown Beer。另一位就嗌Oregasmi。

哩度D酒真係沟来沟去，根本都失晒D酒味，饮完后重觉得好谓添。




埋单个时一睇，哇大佬，都唔平wor，MYR263.30！


过后D男人想睇波（足球），我地就move咗去TTDI度D酒吧Tom, Dick & Harry 劈酒睇波。




Mou Man Tai beer

Good friend K & MF


今晚元气（荷包）大伤，戒酒两星期！

归队 Welcome back to the Board

等咗两个月，其中一个怪同事终于番来啦。

最近係公司频频俾人激亲，哩个年头怪人多。依家哩位同事番咗来，最起码多D人声（佢好多野讲），起码lunch食饭时都有D声气咯。

为咗庆祝佢番来，我一个礼拜前就做便D sticker，想俾佢D惊喜。因为公司孤寒，全公司得一个财政部可以列印颜色纸，所以我搵咗帮凶1号J帮我列印。好咗过后就搵来帮凶2号C帮我手睇下D位置靓无。

啊，我原先只不过想整咕佢，但係无淋到佢会感动到！偷咗佢fb同blog相因为当初我无影到（当时太多人望住我唔知我做紧么）



点解我咁中意整佢？因为佢好鬼坏啊！

腰骨痛第二记 Backache II

腰骨痛继续，已经顶唔顺啦，就叫老牛帮我去问一问细嫂针灸或拔罐，但係要等到星期六先有时间去。老牛一打完golf，就帮我买咗D药膏片，free delivery到我屋企，真细心。

连续贴咗两晚，背部好咗好多。但係前日唔去得针灸所以拖到下个礼拜，希望针灸完以后背部唔会咁痛。

老牛帮我贴咗跟住开玩笑讲我背部咁多毛，哦原来个膏药一边係贴患处，一边係毛毛咔，哈哈应该係老牛知道我中意猫猫毛，所以买哩类型。

哈哈老妈子睇到老牛买既膏药，仲死味笑话老牛买咁多。

注：叫你睇相唔係叫你睇我条腰同D肥肉。

快乐星期天 A Happy Sunday

早前本来预咗同老牛屋企人去位于Seremban既Awanmulan，但係无端端佢地话个度D管理员係计人头，一间家係俾8个人，多一个唔得，少几个无问题。计计下多咗一个，无变，老牛就陪我，齐齐无得去玩。唉，我本来仲係半个月前同安少借埋tripod，准备影milky way，因为银河系要係好黑既环境下先可以影到，如果係城市镜头就会吸纳太多原子光而曝光，结果剩係可以影到一旧旧云或者么都影唔到。再加上9月16号係影milky way最后通牒，因为地球公转自转，太阳月亮同其他星球位置有变，其他星球既光亮会影响我地由地球望向银河系既观感，而眼睛同镜头都好难再影或睇到银河系。所以最佳摄影milky way既时机就係我地Malaysia既3月到9月。讲咗咁多，你究竟明唔明我将么？

无得去玩，咪等到明年3月先开始影，好就自己搵节目啦！同我细嫂（注：老牛细路个女友，就来嫁入林家，但係我地太ngam key，早係几年前就做咗好姐妹兼互称号大嫂小嫂，佢唔要5嫂或2嫂，因为小嫂好听D wor，虽然我都觉得奇怪，但係你中意我中意，人地无得恨），仲有老牛去食点心，佢老公去咗打golf，我老牛因为懒起身所以无去，如果唔係，边有咁好死陪我地食早餐啊！食玩点心翻老牛屋企逗，大概3点度好友Gladys就约我去试一间coffee house，好似话电视前几天先介绍完。好啦就铲咗上Kota Damansara度等佢地。

地点好方便，如果你知道Tune Hotel係Kota Damamsara 既位置就最好，间coffee house就係里边。名为Coffee Familie，特征係，如果你带单车来，会有折扣！真係eco friendly一分子。


门口度放着佢地既精选介绍。


外面睇都好似好有feel咗。


猫姐与餐牌


老牛+猫姐+餐牌


好友G+好友YC


店内设计，好cozy，好舒服。






Retro Telephone.


仲有好多书籍可以借俾你睇，如果你读完仲可以係佢地预先tuck入既卡片度写＂读后感＂。


如果剩係来食野唔嗌coffee，无所谓，佢地有plain water俾你。


每日精选，高高在上，其实摆太高，等我地点完order完，慢慢睇周围环境先发觉。


好，介绍开始，
老牛最喜欢既Honey lemon，价钱MYR8，味道普通，可能因为coffee先係主打。


好友G既Caffe latte，价钱MYR10.0


好友YC既mocha，价钱MYR12.0


佢地既好似都无么评语，我既就麻烦D，因为我中意尝试唔同既野，我嗌咗Ethiopian yirgacheffe，价钱MYR16.0，係menu度既介绍
＂Africa coffee beans, it has a distinct fruity and flowery taste. It also possesses a very unique aftertaste, which often has notes of wine or berry.＂其实我同佢讲我要D有Chocolate-toned-berries味，

因为我本来係order咗Kenya AA，价钱MYR 18. 介绍係＂Perfumed with aromas of chocolate-toned-berries. This cup focuses on flavors of citrus fruits and undertones of black currants, clean and bright. ＂
两种都係来自Africa coffee beans，但係后者就有香顺既Chocolate-berries味，但係店主话无晒coffee bean，所以介绍我饮前者Ethiopian yirgacheffe，佢话哩个饮后留係口中会有wine同berries感。我饮后，觉得还好，接受到。第一口觉得好苦，跟着饮咗半杯，开始觉得ok，到尾时觉得唔错。我係咪好后知后觉？哦佢来个时仲有两块Biscotti，味道好似做蛋糕D vanilla essence fragrance咁，唔知係咪佢地自己做既叻？

叹完coffee，我地就梗係唔放过任何可以shopping既机会。就order咗D男士飞去对面既boutiques度打个转。我地就一如往常咁睇衫，佢地就坐係度摆pose做model。




猫姐


行完街就梗係啤一啤佢啦，四条酒鬼再现。有promo，买一杯送两杯，价钱又MYR30到MYR55。我地order咗Asahi，而男士order咗Grimbergen。


饮完酒去放水途中见到飞镖机器，突然好想玩，4个人就咁玩起上来。老牛刀法好准，有少少恼，玩射箭佢又准过我，飞镖又准过我，佢话我乱乱玩wor。


YC playing darts.


Junior playing darts.


老牛3膘中心，我剩係中一膘係中心。
Junior's


Mine,


唔好得罪我，飞镖俾你叹。


玩完飞镖就去咗Aman Suria度食WongPoh蟹！

食完就翻屋企训，快乐而平淡的一天，希望以后可以成日都咁。

突然发觉我好似好倚靠iPhone帮我影相，哩几个月D blog相都係手机影，睇来我係时候帮nikky热身，多D带佢出来影翻D生活照或blog相。