猫之婚事：感恩！

由我决定结婚到搵酒家，一班魔鬼同事日日都系我耳边叽里咕噜咁俾意见。睇落好似好吵，但系如果你认识佢地，你会觉得好开心，因为朋友要是唔将你摆上心，佢都费鬼事晒气同你讲野。

曾经同佢地share过12月好难搵酒楼，一个二个就好好好好好好（好lan多好）好好好好好帮手，帮我上网搵酒楼酒店，介绍我边个边个摆过边度，俾我佢地摆过酒既经验，仲出动到啊姐名誉帮我问酒楼价钱。好感恩，换着是另几班friend，可能只会听你讲而偶然岔几句。

结婚摆酒经验我唔系无，由做姐妹，maid of honor，到大矜姐都一一体验过。但系当人地再提起点点点做既时候，出奇地，我竟然唔觉得烦，反而窝心。可能今次有少许唔同，因为个新娘就系我。

人身得几个知己，要识得感恩。好开心哩班平时咁魔鬼既同事知己，难得揭露真性情。

来，同你地介绍吓班魔鬼，

Carmen
无睇佢斯斯文文，其实系大厨一个！呐唔好打佢主意，佢嫁咗人，而且嫁俾个靓仔大只老公仔。我同佢感情比较好，好多wat-tat野都分享。



Sher Ling
无睇佢笑得咁甜啊！！！最凶就系佢（我系话对伙计），有个花名叫cassey，因为佢好讲求数据，证据，么据同么据。因为有个漫画作家柯南都系咁既，所以我地帮佢改名叫柯西（cassey）。



Jenny
呐，哩位系最多ki-kat既！最中意扮可怜扮可爱，但系成日投诉恩恩（小布丁）！无睇佢咁可爱样，佢lan有性格咔，唔中意既野无人可以逼到佢，中意既野都无人可以stop到佢！硬颈！但系都系我地入边既开心果，因为成日带欢乐俾我地，多得佢咁多野讲先可以一直俾我地有话题继续＂8＂落去。



好啦，讲到哩度。因为我要养足精神同体力，等俾佢地睇完我个blog来＂唰＂我。