世上惟有妈妈好

我大大话话都病咗半个月，哩次可以讲系几严重下。被个病菌搞到我剩翻半条命，成个人足足瘦咗４kg，你话惨唔惨啊。。

单case系咁既，ah nior 难得由JB翻咗来，星期六个日就同佢拿我架跑车去整，放咗系度整，咁我地咪去食野过时间咯，早上就去咗食肉骨茶，其实仲好地地咔，点知到咗中午我地都好口渴，就去咗哩个位于subang ss15 既 hainam cafe 馆度饮野，一饮完后就开始觉得唔系好对路。无法啦，以为系普通肚不舒服，唔多理会。。到了夜晚就开始越来越唔妥。头头个肚感觉胀胀地，觉得唔系好舒服，就去睇医生求证下么野事咯，点知个医生都唔知有无料到，系咁按我个肚两野，就话系胃风。好啦，傻傻地听佢话，食咗D胃药，但系病情唔单子无好转，仲越来越觉得好唔妥。先前我得闲有读开D报纸，都有留意都一种病菌，叫做幽门螺旋菌(H.pylori virus)。哩种病菌唔系野少，如果中咗，一定要好好清晒D病菌，如果唔系，几年后会恶化变严重疾病。

一想到哩度，惊咔嘛，咁就去咗睇第二次既医生，医生都系讲我胃风啦哩D个D，仲叫我做abdomen scanning，睇下有无生石之类既野，做完后都无事，我惟有同医生提一提哩种病菌。咁佢先之帮我讲哦，咁啊？我帮你验血睇下有无咯。。就这样，医生拖咗我一个礼拜，事关要等个report。一个礼拜后，佢同我讲证实系有病菌，被咗D药物我翻去食。但系佢完全无同我提过某些人可能会对药物敏感。

头头我就蠢蠢地，食咗佢四日药，越食越唔掂，搞到我连冲凉食野都要妈妈帮，真系够惨，自己连拿起筷子既力都无啊。。第四日下午因为无聊，所以就翻读个盒药物既说明书，一睇，唔掂，D药原来系种drugs，个drugs系用来清我D病菌既。我肯定系对药物敏感，事关我食咗，一味呕吐，发烧高底唔定。。先前睇中医，中医仲以为我出毛单病（Typhoid)。。搞到我真系。。。唉！ 我老豆睇到我咁辛苦，帮我去揾医生，问佢我点解越食越唔掂，点知个死人医生竟然同我老豆讲我大肚，所以一味呕吐。如果我真系大肚我就真系要拆佢招牌啦！说明书都要话D药唔可以被大肚婆食咔。哩次真系唔知点咗。

到咗第五日，我同我妈妈讲我唔要食佢D药咗。老妈子就带咗我去问神。一问之下，就讲我胃发炎，所以导致我唔舒服。开咗D药引，自己就去药行拾药来煲。食咗两三次，病情满满好转。。妈妈都放心好多。事关仲有一个礼拜大哥就结婚，我都唔想入医院，费事妈妈扑来扑去照顾我同准备大哥婚礼D野。成半个月咗，睇住老妈子为咗我既病扑来扑去，佢自己都瘦咗成个圈。夜晚搬咗同佢睡，佢讲方便照顾我。有时一晚佢起身几十次来睇我，真系世上惟有妈妈好。

现在即我，都可以讲系好得七七八八咯，但系有时如果食到唔啱既野，就即刻唔舒服。依家我仲要等＂守行为＂，暂时唔准食出便D野都九月去做检查睇下咯。。miumao哩次有排挨咯。。。