名牌变猫牌

都唔记得係旧年定係前年买咗条裙不过到依家剩係穿过两次咁大把。条裙都唔算平，如果无记错大概2百零蚊咁。虽然话唔係贵到离谱，但係其实件裙直唔直个价钱就见仁见智。好多时候我买衫都係凭感觉，真係中意既话，无论几贵都会想买。好，来睇下我可以改到点？


Original dress, before alter. The straps are way too long, and the belt was sewed-deadly to the dress itself.


Alteration 1 : Remove the belt from the dress.


Alteration 2 : Shortened the straps to a more comfy length.


Alteration : Slightly repair the torn part (torn by me bwahahaha...)


Style 1, with red velvet belt, hot and sexy.


Style 2, with black formal belt.


Style 3, with the original group of belt, a casual's one.


Style 4, casual belt is more than enough for a leisure shopping day.

娱乐于工作

上几篇有讲到我又到咗quarterly既忙碌期，所以上个礼拜都已经开始咗我早9晚9既生活啦。

上个礼拜四我地帮Andrew Papa早一日庆祝生日，所以我好早就走咗，大约7点咁咯。

第二日一到office，突然见到有张野摆咗係我抬。行进一睇，我当时犹如老猫变老虎，情绪高涨到无法形容。我终于搵到知音人啦！！！一路以来我都以为哩间公司係无晒希望，查实係绝望。因为我完全搵唔到任何一个可以俾我希望同娱乐。试淋下，一日12小时活係一个唔娱乐既地方，唔闷死都算奇迹。讲翻张野，经过我严刑逼供后，先发觉原来条粉肠係隔离村村长Jeffrey摆既。你地唔好睇佢平时斯斯文文咁，担住个Business Controller衔头，原来佢内心世界仲坚持相信係CF有娱乐哩家野。个张令我咁兴奋既野，原来写住...

Please be patient. Even a toilet can handle only one asshole at a time.

要明白哩个道理，要有好大牺牲，就好似我地牺牲我地时间俾公司咁。有时就算你用尽私人时间做好晒D野，但係往往惊喜总係你做好晒D野后出现。结果得一个，就係为咗D无聊数字游戏，重做你之前牺牲时间做既野。

好友＂被＂求婚记<3

哈！等咗咁耐，终于都梦想成真啦~

一个係老牛细佬，一个係我老友。两个行咗成十年啦，十年话，唔係个个都经得起考验。好羡慕佢地可以好同心协力咁一起手拖手行过哩十年既风风雨雨。係旁人眼中，佢地经已係对模范情侣。

几个月前就已经听到老牛话佢细佬想今年注册，原因係原来佢地两小口好耐以前有讲到想係十周年个时留低美好回忆。以我咁警探头脑，我硬係去试探吓个女主角，点知佢好似完全唔记得件事咁。仲一味同我讲无啦，佢地淋住迟多两年咁话。当时我真係好想一野敲落我老友头度！有无搞错？你老公将你地十年前讲过既野都记得一清二楚叻！但係又唔可以闹佢，你话，激唔激气？

好啦讲翻正题，寻晚真係搞笑，女主角其实有帮手布置，虽然佢觉得怪怪地但係男主角就游说係帮佢家姐庆祝belated生日咁话，佢竟然相信！细嫂啊细嫂，么得你咁糊涂到咁得意啊！（注：我不捞都叫佢细嫂而佢就叫我大嫂，佢话二嫂sounds好老wor）

最搞笑係到戏肉个part，佢老公去拿D求婚工具来个时，佢仲一味问我＂咦你知唔知我老公係边啊？＂我唯有同佢讲，你老公去厕所。

高潮个part就硬係男主角拿住只戒指跪低同个女主角求婚咯，我老友扭咗一阵，就say咗YES啦~

就咁，大团圆结局，剩下我哩个剩女，多咗个人妻。唔好觉得我可怜，我哩个剩女唔剩得几耐，有得玩好玩尽佢啦~

由于当晚位置唔strategy，手机唔係个身度，我唯有偷老牛细妹fb既相来摆。copyright咔~（希望佢唔会恼啦）

Haweye II 鹰眼第二代

今日虽然係星期六，但係又到咗quarterly既reporting datelines啦。由哩个月二号开始都几乎每日做迟，拜六礼拜出了地震之外都要去做工。近几日唔知点解压力指数好似血压咁一味表高，公事上有好多野足已令我心理唔平衡指数冲破纪录啦。可能係我本身问题，自旧公司到哩度，唔知点解我本能（或者係我强行？）既牛脾气+老细款都收敛晒。俾着以前，你地班粉肠咁来同我讲野，早就死九条街咗啦！

心有少少唔开心，做完工就越咗牛爸佢去射箭。本想去赛车，但係赛车唔平哦，淋淋吓，都係去射箭好D，又可以打打杀杀激烈下，赛车都係等下次多D钱多D人玩先！

本想叫牛爸佢帮我影多几张，不过佢地D手套真係臭到想呕！虽然我唔知香港脚係么味，但係D手套既臭味，就好似闻到香港脚咁！就随随便便影两张收工。大家唔好太介意，猫姐我平时有做Gym，所以shoulder+手好大旧。好，睇相！

千万唔好得罪女人。（脖头係咪好大？）

斯文look。

reload箭。

杂货同事再见之DIY篇

猫姐我用咗大约8年时间係D细型公司度打滚，我对雇主既价值观就係越细间就学越多野，而且D人都重情谊D。就係旧年，阴差阳错我就俾间大型国际公司请咗。（关于我D人生经验，有fu时先同你地分享啦~）

啊！！！差D唔记得今日要讲既野。

因为种种原因，D手下一个二个排住队辞职，就连我管部门都有一个辞职。上个拜五就有位Malaysia队既细路女走，平时佢份人好好咔，斯文文雅。就连佢依家要走佢都买便礼物送俾我地每一个人。

份礼物係个开信刀，佢仲好有心机，买咗几种颜色俾我地拣添。不过不捞D信都唔洗我开，D细既会自动帮我开咗俾我睇wor，但係我又唔想收埋一边，淋淋吓，不如照旧DIY咯？又再淋淋吓，ok啦！

Fidah 送既开信刀。

吸铁一小块。

将吸铁粘係开信刀后。

Tada~

猫姐的bear bear 虹

猫姐我一世人就的一个啊哥一个啊姐。虽然我係生得老成霸道过bear bear虹(我啊姐)，而且D外人，其实就连我既自己人啊都一味误会或有错觉我先之係啊姐。但係我内里一直都当足佢係啊姐wor。仲记得细细个我成日都拉住佢衫跟住佢个尾四周围走，无论佢讲D么野我都觉得鬼死有道理，一定係碍既。哈，依家淋翻起都觉得几好笑。

虽然随着年纪一年一年咁大，但係争宠心都好似无么少过，我地么屎野都一定要争，无争过个心硬係唔知点既。有时仲为咗哩D所谓既习惯我地都会係咁意吵吵吓先甘愿！哈哈哈...

话咁快我地两个都到咗适婚年龄，咁唔晒讲硬係bear佢嫁先咯。虽然唔係嫁得好远，PJ啫，而且我又成日浦个度既。但係无论点都唔会好似以前咁多时间一起咯。

自从对上一摆我地两个一起出去吃喝玩乐都几乎年几两年啦，我地近年都各有个忙，都无么机会出来玩。

哩个星期六难得我係屋企只係edit相，突然觉得闷闷地就call咗bear佢食午餐。哩只bear佢仲串我话平时佢嗌我食野我一定叫佢食公仔面，难得我今日唔知痴咗边条筋叫佢食出边。哈哈，其实我都有少少奇怪我自己唔知係咪真係sot鬼咗。难得同bear佢食野我就人性大发，买埋单。无所谓啦，一世人两bear-mao，几十蚊又唔係俾唔起~

愚蠢凡人之蕃人篇

今日打算放咗工就去老牛屋企度坐下，之前都一直有野忙，都成半个月无去到。又加上最近身体透支，骨头痛唔去得gym，所以一放工就去咯。

上车先发觉无晒油，就弯咗去Federal Highway既shell油站度打油。打打下无啦啦见到条打靶仔竟然係油站内拿佢部手提电话係咁倾。由9号站一味讲到我8号站，再一味讲到入去店度俾钱，仲係度讲。但係旁边人同D当值crews好似无感觉咁，条贱人仲越讲越爽。

喂大佬，我仲未结婚生子发达买洋楼养番狗，你想自寻短见唔好拖我落水。

人，往往就係咁自私。有时D无妄之灾发生都係因为哩D咁既贱人。朋友，好好珍惜你地身边的一切一切。记得，打油时唔好打电话。

Poco moco dolo roco!

前日星期六，两条友仔闷到发霉就走咗去Bangsar一间私房菜小馆度hea下+午餐。其实间店唔係第一次去，我地係贪佢够清静够cozy。

相信中意搵野食既朋友应该都知道哩间野，间店名叫＂Poco Homemade＂，地址係Lorong Kurau，Bangsar。具体位置，对无住啊~查实我识去识食但係唔知点形容条路点去。不过如果你地有GPS应该好容易搵到。

因为仲係好饱所以我地都无么嗌野食，係咁意点咗D野就算。老牛佢食set lunch，我唔记得影，我既就睇相啦~

好鬼relax既设计。

我老细同我撑抬脚。

As usual, 我最中意既Hot Honey Lemon，价钱马币6蚊。（查实佢地饮品唔多选择，我只可选翻哩杯）

新野，Rum Mascarpone cake，价钱马币12蚊，味道唔错不过料多过拢，食唔出蛋糕本身味道。

老猫

最近身体真係差咗好多。皮肤又来发作，外表睇来白白净净，但係皮肤过敏症无一日俾我好过。之前老妈子唔知边度听到某某草药可以制止皮肤敏感，佢就拿咗翻来种，但係因为屋企细，草地有限公司，一生多D都俾我摘晒落来冲凉。话说，D草药可以医治皮肤敏感，如果无敏感都可以拿来冲凉，皮肤会变靓咁话。

因为地方唔大，唔可以种太多，所以我只可以每隔个月冲哩种草药凉。最近可能天气唔好，再加上烟雾严重到几乎可以令人窒息，我D皮肤又来啦。无变，瞒着屋企人，偷偷食D西药来定。虽然，皮肤敏感係暂时制止，但係D西药附着用都随之而来。其实我都唔知有无影，但係硬係觉得有关，D calsium好似大量流失咁。身体D骨一DD就扭亲，鬼咁儿戏。

大概係咁既原因，我条背就无端端扭亲啦~

极有性格的背。

仍然係我性感的背。

公司新成员

今日系CF，由我哩个 “肥猫山.猫姐派”掌们人管开既部门无啦啦多o左个新徒弟！

前几天系一位较好既财政部同事度睇到一只猫，想偷翻去但系如果俾个主人知道既话，听日你应该唔会系CF度见到我。事发当时，刚好俾个位主人同部门一位马来同事睇到，哩位天使今日就无端端拿来俾o左我。

身为大集团入边其中一个部门经理，我突然觉得好羞耻，虽然个羞耻仅仅维持o左三分钟零十四秒。系o甘意象征式羞耻羞耻o左我就随手摆如o左个袋。

不过过后我都有同主人自首，但系哩位后来先变天使既天使主人同我讲其实她唔中意个只猫，叫我摞去。唉，早知就直头摞啦！

好啦，我不多呻，大家来睇下我位非正式统计性新member...... (左边个只橙猫)