猫友

个个都可以有朋友，但唔係个个都係真心朋友。

有时我觉得我个人都几失败下，挂名朋友一大堆，但係知心朋友真係无几个。可能係我自己唔鍾意同人share我D野，搞到人地覺得我好似好難溝通咁咯。

我D朋友，十個裡面，男人同gay既占80%，女人就得个20%。唔知点解我觉得女人好麻烦，好多是非，就因我自己係女人所以我有咁既淋法。我咁讲可能会得罪好多女人，喂你地将心比己呵，女人係咪真係特别多是非先？有女人既地方就会有是非咯，认同既唔该坐地。（无得反对叻？）

我成日都同自己讲，是非日日有，唔听自然无。俾得人讲证明你係有本事，惹人妒忌(自我安慰-ing）。

他的鴻圖

查實一直以來我都好欣賞佢為人同個份精神，但係無論點，人往往都要靠三樣野來建立同邁向成功路線 --- 天时，地利，人和。

话说，佢外表斯斯文文，內裡亦都斯斯文文，談吐有問有路，做事按部就班，同我係完完全全連唔到。我自認內外粗粗魯魯，可能外表有時假斯文，但係為咗生存有時扮下野係在所難免既啦，而我做事魯莽衝動，有時更唔理後果，无变咯，柴九哥教落，人生有幾多個十年？其实有时我都好怀疑点解我地两个会click到？可能就好似人地话既，互补长短咯。

最近佢事业有点不如意，我唯一可以做既，除了支持都係支持。一个有生意头脑的人，为了D无谓既纷争而搞到自己，我觉得D人好贱好无聊咯。但係我无资格批评人家，因为我自己分分钟都唔会好到边度去，所以，我shut up。我係女人，女人难免会心胸窄。我一直以为我应该做既係支持佢啦，谁不知要佢倒翻转来安慰我，话么过咗去就由佢，我会用自己力量来奋斗。大佬，有无搞错？竟然係佢倒转来安慰我？点解D男人就係咁犯贱？係都要咁神圣？我知，我真係知wo，我知佢唔要靠屋企人，要靠自己白手兴家。可能会好辛苦，但就係佢哩份执著，令到我觉得我点都要支持，脆脆地都係个句，“人生有几多个十年”啊！

不久前，我地都有倾到搞D野，因为其他事物，都搁置咗少少时间，依依家係时候追回来啦。我知我最叻就係吹水，其他野就等佢来搞，等佢吩咐我咯。头先食完crab crab，就去到我屋企倾咗少少，佢竟然放手叫我去design啊！我不捞都好中意design，虽然无读过，而且又唔係话真係有天分，但係佢竟然话，"design既野就交俾你"，个下真係有high到少少咯。兴奋唔係我可以得偿所愿，而係个份信任。既然佢咁睇得起我，我一定唔会令佢失望。虽然有97.6%我会失败，但係最起码我都有尽下责，帮下忙。

睇来，我接落来既日子，要埋头苦干于CAD，或者raw hand 画！好啦，虽然唔係打咗好多字，但係都够啦，我怕我再讲落去，连D公司机密都爆埋出来。

150km的醫生

話咁快又到一月一次既野啦~ 好心你地唔好咁心邪啦，一月一次唔代表我要講女人經既。好耐以前大哥有為舊同事介紹，馬六甲有間關節調整醫生，好似話唔錯而且好多外浮人都山長水遠來度睇哩位醫生咁話。

事關佢真係好難make booking，再加上唔近，而且又唔可以治療太頻密。所以我地就定咗每個月都帶貓爸媽來睇一次。每次去到我都好想偷影D相同大家分享，但係每次醫生都係度，都幾掃興。今日難得條醫生未準備好，我有充足時間偷影D資訊俾你地睇。

好，睇相！

星星知貓心

好耐都無試過同一日發咁多文章，可能真係受到位同事影響，而再重現blog界。又可能真係最近發生既事較多，無辦法渲泄唯有借字眼而解屈。

可能係我既問題，可能係你既問題，又可能根本就係無問題。

最近行得密，暴光率標高，犯錯機會亦提升唔少。唔知點解今晚硬係覺得委屈，委屈到喊過唔停。明明係無事發生喀，但係都總係提心吊膽，永遠唔知對方會出D麼野牌，順與同花點睇都大過2pair啦，但係D評判永遠都會判2pair贏。其實無話邊個對與錯，只不過係人夾人緣嗻，我唔會怪你因為你有你玩法，而我都要我玩法，你有你玩牌，我有我賭錢，兩分都各自有底牌，無傷大雅咯。

查實世界已經變得面目全非。首相食錢，貪官污吏變本加厲，非法市井之跿乘機狡詐，人人變得你虞我诈，出口既同心個句完全唔同。有時就連你身邊人都可以係好假，如果你唔學會預防同抵禦就好難係哩個世界生存。

可能你會覺得我好悲觀，吶，所以咪話你單純咯，你又唔記得我樓上寫D野啦？
我表面悲觀，查實我內裡真係悲觀。吶吶吶，係咪又抓唔到我叻？如果咁容易俾你睇穿我淋麼，我貓姐仲晒出來埔？無錯我的確覺得好委屈，甚至付喊咪出來，眼淚鼻涕可以話係順暢無阻。但係並不代表我會放棄我自己。

我咁多年既努力，我覺得唔係白費既。如果你覺得係白費既，你不如一刀殺咗我啦! 我承認我既努力當中會有手段成份，當然，人係自私既，要得到名成立就就要花費點功夫。我覺得只要唔好傷害到人又可以顧及我原則，OK咯。

人，隨著年紀長大，思想也相知闊達。已經唔會執迷不悟，唔會好似舊時咁死執著到會唔開心一個月。要達到雙贏效果，我唯一可以做既就是退出收山，從此唔同你賭blackjack。咁樣，你開心時我開心，無謂為咗D小事而至他人於死地，對其他人係唔公平。既然食雞飯時係唔可以加辣椒，咁我都唔勉強你，而你都唔好勉強我加羊豆腐。各人口味哩家野，好難遷就既。

衷心希望我唔會為咗D私人感情而放棄我既執著。

貓婆婆生日快樂

啊媽話，老人家年紀大咗係唔可以大事鋪張咁慶祝生日，會大吉利事喔。因為阿婆佢好細個就落咗來大馬，以前又有日本仔打戰之類既故仔，所以連佢自己都唔係好記得自己幾歲。淋下淋下，其實都係見好事。唔知自己生日咪可以年年都當自己18歲咯~ 不過啊貓媽話啊婆都有90幾歲喀啦！

阿婆其實都好多年都無食過蛋糕咯，唔係我地無幫佢慶祝，而係唔知點解都好自然咁無買到蛋糕。因為今年有閏月，而且媽子話哩幾年我地都輪流飛到四周做工，好難得今年全部都定係本地，既然咁人齊，所以就決定買個蛋糕仔幫阿婆慶祝下。

睇到阿婆見到個蛋糕，笑到見牙見唔到眼咯（再加上我啊婆細眼哈哈哈），我地全部都好開心。尤其唱完生日歌，Andrew Papa 用佢D極唔標準既中文唱多首生日歌俾阿婆，笑到我地碌地！
（注：我老豆既Andrew Papa係受英文教育，中文程度絕對有限公司）

好彩我有帶個Ipad去，將整個搞笑場面錄地。第時睇翻一定好有Feel！

好，唔多講，貓姐我覺得相片永遠係best describe 個 moment既。

人生偏之苞粟仔

其實人生就好似種苞粟咁，好階層性的生長上去。而且離唔開＂因、果＂。由買種子，挖泥，播種，淋水，到發芽。。。每一個階段就好似象徵住每一個人類既生長過程。查實人類同苞粟既階段真係無麼唔同，人類由做愛，懷孕，出世，長大，做工，拍拖，結婚，又再開始做人。。。可能層次會多咗少少，但係開始同完結點無兩。

人類世界充滿色彩，無錯，係色•彩。而苞粟世界內，除咗青同黃之外，都係青同黃嘖，而且苞粟係好神聖的，佢地唔鬧粗口，唔攻心計，唔色情。佢地日夜好努力咁孕育D苞粟仔出來，你地究竟知唔知係為咗D麼野？無錯，為既係下一代，為咗我褒苞粟湯，又為既係我最鍾意食既苞粟粒加牛油走青啊唔該！

由買種子，發芽，到佢地長都高過我三尺零五寸時，我就深深咁體會到，幾個禮拜後有苞粟食啦。係哩兩個既月來我每逢我出門做工前，都幫佢地影底D生活照。不如我地來睇下相。

暂时将种子种係花盆内。

等咗好耐终于发芽啦~ 

近look。

1-2日内就长叶啦~ 快高长大噢~

将可以生存落哩既芽仔移植到地上，


係咪真係高得很快叻？都未打花就高过墙咯~

蓝蓝天空高挂我的梦，希望快D有果！

终于打花，连苞粟仔都出埋哩啦~
最开心就係可以收成正果。

期待可以生多D苞粟仔出来~
yeah！就快有苞粟汤饮咯！

法国千层西饼 Nadeje Mille Crepe

前一排听到位同事话马六甲有间几出名既法国甜品屋，小猫我不捞都系甜品王，今日巧合有去到马六甲，就一于试下去逗一逗。

逗佐半粒钟终于到啦，架车一泊，睇一睇，哇晒唔晒啊，D人多到。。。几乎逼爆间店咯！

排佐大概半粒钟终于到我地啦，冲冲忙忙哎佐几件千层蛋糕，又哎佐十件打包陴啊Nior同佢家人，同埋我家bear bear虹。

个白鸽眼chef头一睇到我地订咁多，就即刻准备位陴我地坐。所以话，人最紧要有钱。系咁意食晒D千层蛋糕就陴钱松人。

千层蛋糕Nadeje Mille Crepe 真面目: